Jistis: Yon Tribinal Rejte Apèl TikTok Fè Pou Bloke Tantativ Gouvènman Ameriken Ap Fè Pou Vann li

  tribinal apèl federal nan Washington te rejte apèl rezo sosyal TikTok te fè kont yon lwa ki egzije konpayi Chinwa ByteDance vann oubyen kòm pinisyon yap entèdi platfòm lan fonksyon Ozetazini.

Desizyon sa a mete TikTok anba presyon, ak Kongrè ki te fikse dat 19 janvye a kòm limit pou Bytedance mete an aplikasyon tèks lwa ke kongrè a te vote nan mwa avril 2024 la.

AFP te eseye kontakte TikTok, men yo pa t reponn imedyatman.

Avèk lwa sa a, ki te adopte pa yon gwo majorite ki gen ladan ofisyèl eli nan tou 2 pati yo, Kongrè a te vize pou anpeche risk ki genyen pou gouvènman Chinwa a itilize paramèt aplikasyon mobil platfòm nan pou fè espyonaj ak manipilasyon kont itilizatè chinwa yo.

TikTok plizyè fwa demanti ke li te transmèt done li kolekte nan aplikasyon yo bay gouvènman Peken an.

ByteDance, konpayi ki se mèt TikTok, te deklare ke li pa gen entansyon vann aplikasyon sa ki gen anpil valè pou li.

Men, jij tribinal kote yo te fè apèl yo te deside ke lwa a te gen entansyon jere kontwòl yon konpayi ki konpayi ameriken fè koleksyon done sou itilizatè kap vin Ozetazini.